fbpx

Um okkur

Um okkur

Hafa samband

Við tökum vel á móti þér!

  • Jóna Björg Ólafsdóttir
    Jóna Björg Ólafsdóttir Fótaaðgerðarfræðingur

    Jóna Björg er eigandi stofunnar Líkama og Sál ehf. Stofan er löngu orðin þekkt og er eitt af elstu fyrirtækjunum hér í Mosfellsbænum. Það má segja að þetta sé einskonar fjölskyldufyrirtæki. Móðir Jónu Bjargar, Hugrún Þorgeirsdóttir, stofnaði stofuna árið 1997 og rak hana þangað til árið 2014. Þá tók systir Jónu Bjargar , Fanney Dögg við stofunni og rak hana þangað til um áramót 2019-2020 þegar Jóna Björg tók við.
    Jóna Björg útskirfaðist sem fótaaðgerðafræðingur frá Snyrtiakademiunni í Kópavogi árið 2015 og hefur starfað við fagið síðan. Jóna Björg útskrifaðist með fystu einkunn úr skólanum eða 9,6 í meðaleinkun.  Fyrstu árin vann Jóna Björg við fótaaðgerðir á Líkama og Sál og einnig á hjúkrunarheimilinu Ísafold þar sem að hún fékk haldgóða reynslu í að meðhöndla fætur á eldra og oft veiku fólki. Mesta og besta reynsla Jónu Bjargar varðandi fótaaðgerðir var þó sú að vinna undir sterkri og dyggri handleiðslu móður sinnar, Hugrúnar Þorgeirsdóttur. Hugrún vann við fagið í yfir 30 ár og er einn af reynslumestu fótaaðgerðafræðingum landsins og það var aldrei komið að tómum kofanum þar þegar vantaði ráðleggingar eða hjálp. Enda sannast máltækið þar, ungur nemur gamall temur.
    Jóna Björg hefur gríðarlega gaman af allir hreyfingu. Hestamennskan er hennar líf og yndi á milli þess sem að hún skíðar, hjólar, hleypur og gengur upp um fjöll og firnindi með hundinn sinn með sér. Hún er mikil fjölskyldumanneskja og finnst fátt skemmtilegra en að plata börnin sín og manninn í óvænt ævintýri þar sem að allt getur gerst.
    Jóna Björg tekur á móti þér með brosi á vör og með einlægni í farteskinu og bíður þig hjartanlega velkomin á stofuna

  • Helga Björk Bjarnadóttir
    Helga Björk Bjarnadóttir Heilsunuddari og markþjálfi

    Helga Björk Bjarnadóttir er heilsunuddari, heilari, markþjálfi og þroskaþjálfi og hóf störf hjá Líkama og sál sumarið 2019.
    Helga lauk þroskaþjálfaprófi frá HÍ 2009 og hefur starfað í búsetuþjónustu fatlaðs fólks bæði sem forstöðumaður, deildarstjóri og þroskaþjálfi.
    Helga er markþjálfi með framhaldsmenntun í markþjálfun frá Evolvia 2015 og hefur góða reynslu af vinnu með fólki og viðtölum við fólk bæði sem markþjálfi og verkefnastjóri í fræðslumálum.
    Hún hóf sína andlegu leið fyrir alvöru árið 2011 og hefur notið einkakennslu Friðbjargar Óskarsdóttur fræðslumiðils og eiganda Kærleikssetursins í Mosfellsbæ. Frá 2011 hefur Helga starfað við heilun og miðlun í Kærleikssetri og var auk þess þátttakandi í Mannræktarskólanum Kjarnanum í tvö ár.
    Helga lauk prófi á heilsunuddbraut FÁ 2019 og býður upp á fjölþætta meðferð hjá Líkama og sál. Í meðferðum á stofunni notar hún náttúrulegar nuddolíur og ilmkjarnaolíur frá Young Living.

    Leiðarljós Helgu eru:
    Vertu frjáls, fljúgðu, með hjartað fullt af gleði og kærleika
    Hlustaðu á hjartað þitt, finndu styrkinn þinn, lifðu og njóttu í núinu

  • Kristrún Sif Gunnarsdóttir
    Kristrún Sif Gunnarsdóttir Snyrtifræðimeistari

    Kristrún er Snyrtifræðimeistari, naglafræðingur og NovaLash augnhára sérfræðingur.
    · Kristrún útskrifaðist úr Snyrtiskóla Íslands árið 2002 og hlaut meistararéttindi árið 2014.
    · Hún lauk námi í naglafræði árið 2002 og hlaut diploma frá Calgel árið 2007, hún vann
    einnig sem aðstoðarkennari í naglaskóla Calgel á Íslandi.
    · Kristrún hefur verið að gera augnháralengingar frá árinu 2006 og er með 3 diploma í
    augnháralengingum. Kristrún hefur ferðast bæði til Bandaríkjanna og Evrópu til þess að
    auka við þekkingu sína á sviði augnháralenginga.
    · Kristrún hefur áður rekið sína eigin stofu bæði úti á landi og á höfuðborgarsvæðinu.

    Kristrún hefur mikinn metnað fyrir snyrtingu og leggur mikið upp úr því að veita bestu mögulegu
    þjónustu með bestu fáanlegu vörum hverju sinni. Kristrún er dugleg að sitja ýmis námskeið á
    sviði snyrtinga og hefur hlotið diploma í hinum ýmsu meðferðum.
    Kristrún er mikil fjölskyldukona en auk samverustunda með maka og börnum þá hefur hún unun
    af lestri, bókmenntum, myndlist, ljóðlist og dansi.

  • Sólveig Sól Einarsdóttir
    Sólveig Sól Einarsdóttir Fótaaðgerðarfræðingur

    Sólveig er elsti starfsmaðurinn hjá okkur á Líkama og Sál. Hún kom til okkar árið 2008 og hefur unnið hjá okkur síðan. Sólveig er löggiltur fótaðaðgerðafræðingur og starfar samhliða fótaðgerðunum á Skálatúni, þjónustukjarna fyrir fatlað fólk.
    Sólveig lærði fótaaðgerðir í Svía ríki og útstkrifaðist frá úr Axelsons Gymnastika Institut í Medicinsk Fotvård árið 1991 sem fótaaðgerðafræðingur. Einnig tók hún snyrtifræðinám frá Mona Lisa Cosmetologskolen í Kaupmannahöfn og lauk því árið 1992. Árið 2007 útskrifaðist Sólveig sem félagsliði frá Borgarholtsskóla. Árið 2009 dreif Sólveig sig enn og aftur í nám og útskrifaðist sem einkaþjálfari ÍAK frá Heilsuakademíunni 2009
    Sólveig hefur ma lokið við eftirfarnandi námskeið ; meðferð í fótum sykursjúkra , meðferð á fótum gigtveikra og meðferð á fótum aldraðra og mörg önnur.
    Það er alltaf stutt í húmorinn hjá Sólveigu. Hún kemur til dyranna eins og hún er klædd og tekur á móti þér með breiðu brosi. Hún er röggsöm og vílar aldrei hlutina fyrir sér. Sólveig hefur gríðarlega mikinn blakáhuga og spilar blak af ástríðu. Þess á milli þegar hún er ekki á blakæfingunum knúsar hún barnabörnin sín og fer út að ganga með hundana sína á Kjalarnesinu.

Hafa samband

Erum ekki við eins og er, en sendu okkur línu og við höfum samband við fyrsta tækifæri

Ekki læsilegt? Skipta um texta. captcha txt
0